تۆماس رۆزیسكی یاریزانی یانەی ئەرسناڵی ئینگلیزی گوتی یانەی ئەرسناڵ لە توانایدایە وەرزی ئەمساڵی خولی ئینگلیزی هەڵبگێڕێتەوە و لە بەرژەوەندی خۆی كۆتایی پێ بێنێت.
یانەی ئەرسناڵ دووچاری سەرەتایەكی زۆر خراپ هات لە خولی ئینگلیزی دوای ئەوەی لەگەڵ نیوكاسڵ بەبێ گۆڵ یەكسان بوو و دواتر بە هەردوو یانەی لیڤەرپوول 2-0 و مانچستەر یونایتد 8-2 دۆڕا.
رۆزیسكی گوتی هێشتا لە سەرەتای وەرزداین و زۆر یاری ماوە كە دەتوانین لە میانیدا ئەنجامی وەرزەكە هەڵگێڕینەوە.
ئەو یاریزانە زیاتر گوتی هەردەم سەرەتا بە باشی دەست پێ دەكەین و لە كۆتاییدا خراپ دەبین، لەوانەیە ئەمساڵ كارەكە پێچەوانە ببێتەوە، سەرەتامان خراپ بێت و كۆتاییمان باش بێت.
لەبارەی دۆڕانی گەورەی یانەكەیەوە بەرامبەر مان یونایتد ئەو یاریزانە گوتی ئەوە تاڵترین رووداوی نێو ژیانی یاریزانیم بوو.