ویسلی سنایدەری ئەستێرەی ناوەڕاستی هەڵبژاردەی هۆڵەندا گوتی ئێستا هۆڵەندا دەتوانێ لە هەموو هەڵبژاردەیەكی جیهان بباتەوە.
هەڵبژاردەی هۆڵەندا لە پاڵاوتنەكانی یۆرۆی 2012 توانی سەركەوتنێكی مێژوویی و گەورە بەسەر هەڵبژاردەی سان مارینۆدا بە ئەنجامی 11-0 تۆمار بكات.
سنایدەر لە یارییەكەدا 2 گۆڵی تۆمار كرد و گوتی تیپەكەمان ئەمڕۆ زۆر نایاب خۆی پێشان دا، بە تایبەت ڤان پێرسی كە رۆڵی لە هەموو گۆڵەكاندا هەبوو، هەموو شتەكانی یارییەكە نایاب بوون، ئێستا دەتواتم بڵێم هۆڵەندا توانای بردنەوە لە هەموو هەڵبژاردەیەكی جیهانی هەیە و ئێمەش هەر ئەوەمان دەوێت.
سنایدەر بە یارییەكەی دوێنێوە 77 یاری بۆ هەڵبژاردەی هۆڵەندا ئەنجام داوە و تا ئێستا 27 گۆڵی تۆمار كردووە.