جەماوەرێكی زۆر لەبەردەم فرۆشگەی نایكیتاونی تایبەت بە فرۆشتنی بەرهەمەكانی كۆمپانیای نایك لە ویلایەتی میامی ئەمەریكا كۆبوونەوە بە مەبەستی كڕینی پێڵاوە نوێیەكەی لیبرۆن جیمسی ئەستێرەی باسكەی ئەمەریكی.
بەپێی راپۆرتێكی كەناڵی سی ئێن بی سی ئەمەریكی، ئەو جەماوەرە ناچاربوون ماوەی 24 كاتژمێر لەبەردەم فرۆشگاكەدا بمێننەوە لە چاوەڕوانیی پێڵاوە نوێیەكەی لیبرۆن كە دەبوو بگاتە فرۆشگاكە و هەمووان هەوڵی ئەوەیان دەدا ببنە یەكەم كەس ئەو پێڵاوە بكڕێت.
بەپێی راپۆرتەكە جەماوەری ئامادەبوو دواجار دوای 24 كاتژمێر چاوەڕوانی توانییان پێڵاوەكە بە 150 دۆلار بكڕن و هەندێك لە شرۆڤەكاران گوتیان ئەو جەماوەرە قازانجێكی زۆر دەكەن، چونكە دەتوانن ئەو پێڵاوەی بە 150 دۆلار كڕیویانە دوای چەند كاتژمێرێكی كەم بە 700 دۆلار لە رێگەی ماڵپەری ئیبایەوە بیفرۆشنەوە.