زنجیره‌ درامای به‌رازیلی به‌ ناوبانگ دڵی ترسنۆك زۆرترین رێژه‌ی بینه‌ری له‌ مێژووی درامای به‌رازیلی له‌و ئه‌ڵقه‌یه‌یدا كۆ كرده‌وه‌ كه‌ نیمار دا سیلڤای هێرشبه‌ری سانتۆس و گانسۆی پله‌ی مه‌یكه‌ری هاورِێی به‌شدارییان تێدا كرد.

هه‌ینی رابردوو دوا ئه‌ڵقه‌ی دراماكه‌ له‌ ته‌له‌ڤزیۆنه‌وه‌ نمایشكرا و جیا له‌ نیمار و گانسۆ، رافائیلی گۆڵچیش به‌شداریی تێدا كرد و رۆژنامه‌ی گڵۆبۆ گوتی پێشتر هیچ درامایه‌ك ئه‌وه‌نده‌ی بینه‌ر نه‌بووه‌.

رۆژنامه‌كه‌ گوتی ئه‌م به‌شه‌ی دراماكه‌ هه‌موو ژماره‌ی پێوانه‌ییه‌كانی ته‌ماشاكه‌رانی درامای له‌ به‌رازیلدا تێكشكاند و ئه‌نجامی ره‌سمی لێكۆڵینه‌وه‌ له‌ ژماره‌ی بینه‌ران كه‌ په‌یمانگای به‌رازیلی بۆ پێوانه‌كردنی رای گشتی ئه‌نجامی داوه‌ سبه‌ی بڵاو ده‌كرێته‌وه‌.

زنجیره‌ی دڵی ترسنۆك له‌ ساڵس 1995ه‌وه‌ ده‌ست به‌ په‌خشكردنی كراوه‌ و هه‌موو ئێواره‌یه‌ك زنجیره‌یه‌كی نوێی لێ په‌خش ده‌كرێت و خاوه‌نی بینه‌رێكی زۆره‌ له‌به‌رئه‌وه‌ی دراماكه‌ باس له‌ كێشه‌كانی تازه‌ پێگه‌یشتووانی كۆمه‌ڵگه‌ی به‌رازیل ده‌كات.