ئارسن ڤینگه‌ری راهێنه‌ری یانه‌ی ئه‌رسناڵی ئینگلیزی له‌ لێدوانی بۆ ماڵپه‌ری فه‌رمیی یانه‌كه‌ی ئاشكرای كرد به‌ نیازی كرِینی 3 یاریزانی نوێیه‌ بۆ ئه‌رسناڵ.

ئه‌رسناڵ هه‌فته‌ی رابردوو یاری دووه‌می خۆی له‌ خولی ئینگلیزی به‌ یانه‌ی لیڤه‌رپوول دۆرِاند 3-0 و ئێستا ڤینگه‌ر به‌هۆی رۆیشتنی نه‌سری و فابریگاس و كلیچی و ئیبوێوه‌ له‌ ژێر فشارێكی زۆری هانده‌رانی یانه‌كه‌یدایه‌.

ڤینگه‌ر گوتی جیا له‌وه‌ی چه‌ند یاریزانێك له‌ ریزی یانه‌كه‌ رۆیشتن، نزیكبوونه‌وه‌ی جامی نه‌ته‌وه‌كانی ئه‌وروپا ناچارمان ده‌كات بۆ ماوه‌یه‌كی دیاریكراو ده‌ستبه‌رداری مه‌روان شه‌ماخ و جیرڤینیۆ ببین.

ڤینگه‌ر ناوی ئه‌و یاریزانانه‌ی ئاشكرا نه‌كرد كه‌ به‌ شوێنیاندا ده‌گه‌رِێ بۆ كرِینیان به‌ڵام گوتی ئه‌م هاوینه‌ زۆرینه‌ی كاتم به‌ سه‌رقاڵ بوون به‌ رۆیشتنی یاریزانانه‌وه‌ لێ رۆیشت، هاوینێكی قورس بوو و هانده‌رانی ره‌خنه‌ی زۆریان له‌ كاره‌كانم هه‌بوو، به‌ڵام ئه‌مه‌ به‌ده‌ست من نه‌بوو.
هه‌روه‌ها گوتی تیپه‌كه‌م پێویستی به‌ یاریزانی نوێ هه‌یه‌ و ده‌بێ له‌و چه‌ند رۆژه‌ كه‌مه‌ی گواستنه‌وه‌ی یاریزانان كه‌ له‌به‌رده‌ستدا ماوه‌ 3 یاریزانی تر بێنینه‌ ریزه‌كانی خۆمانه‌وه‌.