ئه‌نجامه‌كانی لێكۆڵینه‌وه‌یه‌كی تایبه‌ت به‌ مووچه‌ی ساڵانه‌ی یاریزانانی تێنسی سه‌رزه‌وی جیهان ئاشكرای كردووه‌ رۆجێ فێدرێری یاریزانی تێنسی سه‌رزه‌وی سویسری له‌ پله‌ی یه‌كه‌می یاریزانانی جیهاندایه‌.

لێكۆڵینه‌وه‌كه‌ ئاشكرای كردووه‌ فێدرێر به‌رزترین مووچه‌ی له‌ ماوه‌ی 12 مانگی رابردوودا وه‌رگرتووه‌ و كۆیی 47 ملیۆن دۆلار داهاتی ئه‌و یاریزانه‌ بووه‌.
لێكۆڵینه‌وه‌كه‌ رافایل نادالی یاریزانی ئیسپانی له‌ پله‌ی دووه‌می لیسته‌كه‌یدا داناوه‌ و ده‌ڵێ ئه‌و یاریزانه‌ كۆی 31 ملیۆن دۆلار داهاتی ساڵانه‌یه‌تی و ماریا شاراپۆڤای كچه‌ی یاریزانی رووسی پله‌ی سێیه‌می گرتووه‌ و داهاتی ساڵانه‌ی 25 ملیۆن دۆلاره‌.
هه‌ر هه‌مان لێكۆڵینه‌وه‌ پله‌ی چواره‌می به‌ نۆڤاك جۆكۆڤیجی سرِبی داوه‌ به‌ داهاتی 18 ملیۆنی ساڵانه‌ و پله‌ی دوای ئه‌ویش به‌ر ئه‌ندی مۆرای ئینگلیزی كه‌وتووه‌ كه‌ ساڵانه‌ 13.5 ملیۆن دۆلاری ده‌ست ده‌كه‌وێت.