سه‌ندیكای یاریزانانی تۆپی پێی ئیتاڵیا ئاشكرای كرد یاریزانانی خوله‌كه‌ به‌هۆی مانگرتنه‌وه‌ یارییه‌كانی هه‌فته‌ی خوله‌كه‌ كه‌ برِیاره‌ ئه‌مرِۆ و سبه‌ی ئه‌نجام بدرێ دواخرا، ئه‌مه‌ش به‌هۆی رێك نه‌كه‌وتنی 20 یانه‌ی به‌شداری خوله‌كه‌ له‌سه‌ر ئیمزاكردنی رێكه‌وتنێكی نوێ.

یانه‌كانی خولی ئیتاڵیا داواكاریی یاریزانه‌كانیان ره‌تكرده‌وه‌ كه‌ داوایان كردبوو رێكه‌وتنێكی سه‌ره‌تایی تا 30ی حوزه‌یرانی 2012 ئیمزا بكرێت و ئه‌مه‌ش بووه‌ هۆی ده‌ستپێكردنی مانگرتنی یاریزانه‌كان.

پێشتر یاریزانانی خولی ئیسپانیاش مانگرتنیان بۆ هه‌فته‌یه‌ك ئه‌نجام دا و دواتر به‌هۆی رێكه‌وتنیان له‌گه‌ڵ به‌رِێوه‌به‌رانی خوله‌كه‌وه‌ كۆتاییان به‌ مانگرتنی خۆیان هێنا و ئه‌مرِۆ یارییه‌كانی خوله‌كه‌ ده‌ست پێده‌كات.

سه‌ندیكای یاریزانانی خولی ئیتاڵی دووپاتیان كرده‌وه‌ تا گه‌یشتنه‌ رێكه‌وتنی یه‌كجاری بۆ دابینكردنی مافه‌كانیان ئاماده‌نین یارییه‌كانی خوله‌كه‌ ئه‌نجام بده‌ن.