سەرچاوە رۆژنامەوانییەكانی ئیسپانیا ئاشكرایان كردووە جۆزێ مۆرینۆی راهێنەری یانەی ریال مەدرید مەترسی راگرتنی بۆ ماوەی 4 تا 12 یاری لەسەرە بەهۆی پەلاماردانی تیتۆ فیلانۆفای یاریدەدەری راهێنەری بەرشەلۆنە لە یاری گەڕانەوەی جامی سوپەری ئیسپانی كە چوارشەمەی رابردوو ئەنجام درا.
رۆژنامەی ئاسی وەرزشی بڵاوی كردەوە لێژنەی پێشبڕكێكانی یەكێتیی تۆپی پێی ئیسپانیا بڕیاری داوە لێكۆڵینەوە لەگەڵ مۆرینۆ و فیلانۆفادا بكات كە ئەویش دوای رووداوەكە هێرشی كردە سەر مۆرینۆ.
رۆژنامەكە دەڵێ بڕگەكانی ژمارە 98 و 100 لە بنەماكانی تەمبێكردنی یەكێتییەكە دەڵێن پەلاماردانی توند و مەترسیدار سزاكەی راگرتنە لە نێوان 4 تا 12 یاری.
لە یارییەكەدا یاریزانانی هەردوولا بە شەڕ فاوڵێكی توندی لە سیسك فابریگاسی یاریزانی بەرشەلۆنە گرت.