رافا بینیتێزی راهێنەری پێشووی یانەی ئینتەر میلان و لیڤەرپوول گوتی یانەی ئینتەر میلان زیاتر بیر لە پەیداكردنی پارە دەكاتەوە تا بەدەستهێنانی نازناوەكان.
رافا درێژەی بە هێرشەكانی خۆی بۆ سەر یانەی ئینتەر میلان دا و بەوە تۆمەتباری كرد كە ئەو كاتەی ئەو راهێنەری یانەكە بووە بەڵێنی زۆریان پێداوە و هیچیان بۆ جێبەجێ نەكردووە.
راهێنەرە ئیسپانییەكە لە لێدوانی بۆ ماڵپەری تۆتۆ میركاتۆ گوتی بەڵێنیان دامێ گرێبەستم لەگەڵ چەند یاریزانێكدا بۆ بكەن، كەچی هیچیان نەكرد، وادیارە ئینتەر میلان كۆكردنەوەی پارەی لە پاڵەوانیەتییەكان پێ باشترە.
بینیتێز تەنیا ماوەی 4 مانگ راهێنەری ئینتەر میلان بوو و نازناوی جامی سوپەری ئیتاڵی و مۆندیالی یانەكانی بۆ ئینتەر میلان بەدەست هێنا.