دیگۆ فۆرلانی هێرشبەری یانەی ئەتلەتیكۆ مەدرید رەتی كردەوە ركابەریكردن لەسەر نازناوی خولی لالیگا تەنیا لە نێوان هەردوو یانەی گەورە بەرشەلۆنە و ریال مەدریدا بێت.
فۆرلانی هێرشبەری ئۆرۆگوایی لە لێدوانی بۆ رۆژنامەی بایسی ئیسپانی گوتی وەرزی نوێی خولی ئیسپانیا كە ئێستا بەهۆی مانگرتنی یاریزانانەوە دواكەوتووە ململانێیەكی گەورە لە نێوان هەموو تیپەكاندا بەخۆوە دەبینێت.
لەبارەی هەلی تیپەكەیەوە بۆ ركابەریكردن لەسەر نازناوەكە، ئەو هێرشبەرە گوتی هەرچەندە ئەتلەتیكۆ مەدرید ئەگویرۆشی لە دەستداوە، بەڵام توانای ئەوەی هەیە ركابەری لەسەر نازناوەكە بكات.
فۆرلان ئامادە نەبوو چارەنووسی خۆی لەگەڵ تیپەكەیدا دەربخات و گوتی ئێستا هەرچەندە دەستەوارەی زۆرم پێگەیشتووە، بەڵام بیر لە رۆیشتن ناكەمەوە.