یانەی میلانی ئیتاڵی خۆشی لە بردنەوەی جامی بیرلسكۆنی نەبینی دوای ئەوەی روون بووەوە چوار یاریزانی یانەكە لە یاری جامەكەدا دووچاری پێكان هاتوون.
یانەی میلان توانی نازناوی جامی سلڤیۆ برلسكۆنی بباتەوە دوای ئەوەی لە یانەی یۆڤنتۆسی بردەوە 2-1، بەڵام زیانەكانی یانەكە لە قازانجەكان لەو یارییەدا زیاتر بوون كاتێك روون بووەوە 4 یاریزانی سەرەكی یانەكە دووچاری پێكان هاتوون.
لە یارییەكەدا ماتیۆ فلامینی دووچاری پێكانێكی قورس هات لە ئەژنۆیدا و تا ئێستا چارەنووسی دیار نییە، هەروەها جیرۆم بواتینگ كە گۆڵی یەكەمی یانەكەی لە یارییەكەدا تۆمار كرد، دووچاری پێكان هات و تای تایۆ بەپێی راگەیەندراوی یانەكە ماوەی 4 هەفتە ناتوانێ یاری بكات، ئەمە جیا لەوەی لە هەمان یاریدا نێستا بە هەمان شێوە دووچاری پێكان هات.