گاری نیڤیلی بەرگریكەری پێشووی هەڵبژاردەی ئینگلتەرا گوتی هەڵبژاردەی ئینگلتەرا توانای ئەوەی نییە تا 10 ساڵی تریش هیچ نازناوێك بباتەوە، چونكە هەڵبژاردەكە یاریزانی نایابی نییە بۆ بەدەستهێنانی هیچ نازناوێك.
نیڤیل كە وەرزی رابردوو وازی لە یاریكردن هێنا دوای ئەوەی 600 یاری بۆ یانەی مانچستەر یونایتد و 85 یاری بۆ هەڵبژاردەی ئینگلتەرا ئەنجام دا، لە بیرەوەرییەكانی خۆیدا كە رۆژنامەی میلی ئینگلیزی بە زنجیرە بڵاوی دەكاتەوە، گوتی یاریكردنم بۆ هەڵبژاردەی ئینگلتەرا تەنیا كات بە فێڕۆدان بوو.
ئەو بەرگریكەرە گوتی ئێمە لە ئینگلتەرا پشت بە یاریزانی بە توانا لە رووی توانای جەستەییەوە دەبەستین، بەڵام ئێستا ئەو توانایەمان نەماوە بۆیە ناتوانین ركابەریی لەسەر هیچ نازناوێك بكەین.
هەروەها گوتی پێم وایە ماوەیەكی زۆرمان لە پێشە بۆ ئەوەی بگەینەوە ئاستێكی پێویست، من پێشبینی دەكەم تا 10 ساڵی تر هەڵبژاردەی ئینگلتەرا نەتوانێ هیچ نازناوێك بباتەوە.