ماریا شاراپۆڤای یاریزانی تێنسی رووسی توانی بگاتە پلەی چوارەمی ریزبەندی كچە یاریزانانی تێنسی سەر زەوی دوای ئەوەی نازناوی سینسیناتی ئەمەریكی بەدەست هێنا و پلەی یەكەمی ریزبەندییەكە بەدەست كارۆلین ڤۆزنیاكی دانیماركییەوە مایەوە.
لە دوا ریزبەندی كچە یاریزانانی تێنسی سەرزەوی كە ئەمڕۆ بڵاو كرایەوە، ڤۆزنیاكی لە پلەی یەكەمە مایەوە بە 9335 خاڵ و لە پلەی دووەمدا زڤۆناریڤای سڕبی مایەوە بە 6820 خاڵ و پلەی سێیەمیش بەدەست كیم كلیستەرزی بەلجیكییەوەیە.
ماریا شاراپۆڤا لە پلەی حەوتەمەوە هاتە پلەی چوارەم دوای ئەوەی كۆی خاڵەكانی كردە 6346 خاڵ و ڤیكتۆریا ئەزارنیكای بیلارووسی لە پلەی چوارەمەوە بۆ پلەی پێنجەم دابەزی.