لاوانی بەرازیل بوونە پاڵەوانی جیهان
بەم بردنەوەیە لاوانی بەرازیل توانییان قەرزێكی كۆنی سەریان بە هەڵبژاردەی پورتوگال بدەنەوە كە تەمەنی 20 ساڵە و قەرزەكە ئەوكات دروست بوو كە لاوانی پورتوگال توانییان ساڵی 1991 لە بەرازیل ببەنەوە لە هەمان مۆندیالی لاواندا.
لە یارییەكەدا هەرچەندە پورتوگالییەكان هێڵێكی بەرگری بەهێزیان دروست كرد و درێژەیان بە بەرگریی پتەوی خۆیاندا كە بە درێژایی یارییەكانی پێشویان هیچ گۆڵێكیان لێ نەكرابوو، بەڵام ئەم پتەوییەی هێڵی بەرگری تەنیا 5 خولەكی خایاند و جۆنیۆر ئۆسكاری ئەستێرەی بەرازیل توانی گۆڵی یەكەمی تیپەكەی تۆمار بكات و دواتر هەمان یاریزان دوای ئەوەی هەردوو هەڵبژاردە لە كاتی یاسایی یارییەكەدا 2-2 یەكسان بوون، توانی لە خولەكی 111دا گۆڵی سێیەم و بردنەوە تۆمار بكات و هەڵبژاردەكەی بكاتە خاوەنی نازناوە.
پلەی سێیەمی مۆندیالی لاوان بۆ هەڵبژاردەی مەكسیك بوو دوای ئەوەی توانی لە هەڵبژاردەی فەرەنسا بباتەوە.
