ماریا شاراپۆڤای رووسی لە یاری كۆتایی تێنسی سەرزەوی پاڵەوانیەتیی سینسیناتی ئەمەریكیدا رووبەڕووی یلینا یانگۆڤیجی سربی دەبێتەوە دوای ئەوەی دوێنێ شەمە هەردوو یاریزان سەركەوتنیان بۆ یاری كۆتایی مسۆگەر كرد.
شاراپۆڤا لە ئاستی خراپی خۆی لە سەرەتای پاڵەوانیەتییەكە رزگاری بوو دوای ئەوەی توانی لە ڤۆرا زڤۆناریڤای هاونیشتمانی بباتەوە بە دوو كۆمەڵە بەرامبەر كۆمەڵەیەك.
یانكۆڤیج توانی بگاتە یاری كۆتایی دوای ئەوەی لە ئەندریا بیتكۆڤیجی ئەڵمانی بردەوە بە دوو كۆمەڵەی بێبەرامبەر.
ئەو یاریزانە سربییە لەبارەی رووبەڕووبوونەوەی شاراپۆڤاوە گوتی یارییەكە قورس دەبێت و ئەو ئاستی بەرزە.
شاراپۆڤا هەوڵی بردنەوەی دووەم نازناوی خۆی لەم وەرزەدا دەدات دوای ئەوەی پێشتر نازناوی پاڵەوانیەتیی رۆمای بەدەست هێنا.