ماڵپەڕی گۆڵی جیهانی نیمانیا ڤیدیچی كاپتن و بەرگریكەری یانەی مانچستەر یونایتدی ئینگلیز بە باشترین بەرگریكەری ساڵی 2010 دەست نیشان كرد.
بەرگریكەرە سربییەكە لە راپری ماڵپەڕەكەدا پێش تیاگۆ سیلڤای بەرگریكەری یانەی میلانی ئیتاڵی و باشترین بەرگریكەری خولی ئیتاڵیا و جیرارد پیكێی بەرگریكەری یانەی بەرشەلۆنەی ئیسپانی كەوتووە.
ماڵپەڕەكە ئاشكرای كردووە لە 23ی مانگی ئەیلوولی داهاتوودا ناوی 50 باشترین بەرگریكەری جیهان لە ساڵیی رابردوودا بڵاو دەكاتەوە كە ڤیدیچ لە سەرووی هەمووانەوەیە.
ماڵپەڕەكە دەڵێ ڤیدیچ كاریگەریی گەورەی هەبووە بەسەر ئاستی تیپەكەی و بردنەوەی نازناوی خولی ئینگلیزی و سەركەوتن بۆ یاری كۆتایی خولی یانە پاڵەوانەكانی ئەوروپا لە وەرزی رابردوودا.