یانه‌ی ریال مه‌دریدی ئیسپانی له‌ هاوینی ئه‌مساڵدا باشترین وه‌رزی ئاماده‌سازیی له‌ ماوه‌ی 24 ساڵی رابردوودا تۆمار كرد كاتێك سه‌ركه‌وتنی له‌ سه‌رجه‌م یارییه‌ ئاماده‌سازییه‌كانی خۆی له‌ هاویندا تۆمار كرد.

ریال مه‌درید له‌ هاوینی ئه‌مساڵدا 7 یاری دۆستانه‌ی ئه‌نجامدا و له‌ هه‌ر حه‌وتیاندا سه‌ركه‌وتنی به‌ده‌ست هێنا و كۆی 23 گۆڵیشی تۆمار كرد.

ماڵپه‌ری یانه‌كه‌ ئاشكرای كردووه‌ 24 ساڵه‌ ریال مه‌درید نه‌یتوانیوه‌ له‌ ئاماده‌سازییه‌كانی هاوینه‌ی خۆیدا ئه‌و ئاسته‌ پێشان بدات و 7 یاری بباته‌وه‌. دوا ئاستی یانه‌كه‌ به‌و به‌رزییه‌ بۆ ساڵی 1988 ده‌گه‌رِێته‌وه‌ كاتێك له‌ 7 یاری ئاماده‌سازییدا 7 سه‌ركه‌وتنی تۆمار كرد.