ئەمشەو لە ژمارەیەك یاری دۆستانەی نێودەوڵەتیدا، هەڵبژاردە گەورەكانی جیهان بەیەك دەگەن و لە هەموویان دیارتر رووبەڕووبوونەوەی ئەڵمانیا و بەرازیلە.
یارییە دۆستانە نێودەوڵەتییەكان هەموو هەڵبژاردەكانی جیهان دەگرێتەوە و لە گرنگترین یاریدا هەڵبژاردەی بەرازیل كە لە جامی كۆپا ئەمەریكا لە قۆناخی هەشت لەسەردەستی هەڵبژاردەی ئۆرۆگوای كرایە دەرەوە، بەرامبەر هەڵبژاردەی ئەڵمانیای سێیەمی مۆندیالی 2010ی باشووری ئەفەریقا یاری دەكات.
دەبوو هەر ئەمشەو یارییەكی بەهێز لە نێوان هەردوو هەڵبژاردەی ئینگلتەرا و هۆڵەندا ئەنجام بدرایە، بەڵام فراوانبوونی رووبەری ئاژاوەگێڕییەكانی بەیتانیا بوونە هۆی دواكەوتنی ئەو یارییە.
شارەكانی بەریتانیان ماوەی چەند رۆژێكە ئاژاوەگێڕی و توندوتیژی زۆر بەخۆیانەوە دەبینن و تا دێ رووبەری ئەو كێشانە لە شارەكانی ئەو وڵاتەدا زیاتر پەرەدەسەنێت.
لە یارییەكی تری بەهێزدا هەردوو هەڵبژاردەی ئیسپانیای پاڵەوانی جیهان و ئیتاڵیا بەیەك دەگەن و ئەم یارییە تاقیكردنەوەیەكی تری هەردوو هەڵبژاردە دەبێت بەر لە گەڕانەوە بۆ پاڵاوتنەكانی جامی نەتەوەكانی ئەوروپا.
لە یارییە گرنگەكانی تر:
پورتوگال-لۆكسمبۆرگ
فەرەنسا-چیلی
ژاپۆن-كۆریای باشوور