یانەی ریال مەدرید تا ئێستا وادەی گەڕانەوەی نووری شاهینی یاریزانی نوێی یانەكەی لە پێكان بۆ دەرنەكەوتووە و لە نوێترین زانیاریدا یەكلا بووەتەوە كە ئەو یاریزانە ناتوانێ بەشداری یارییەكانی جامی سوپەر و هەفتەی یەكەمی خولی ئیسپانیا بكات.
رۆژنامەی ماركای ئیسپانی نووسیویەتی كە شاهین بەشداری یاری چوون و گەڕانەوەی جامی سوپەری ئیسپانیا ناكات و ناتوانێ لە یاری یەكەمی ریال مەدرید لە خولی ئیسپانیا لە رۆژی 24ی ئەم مانگە بەرامبەر ئەتلەتیك بلباو یاری بكات.
شاهین هاوینی ئەمساڵ پەیوەندی بە یانەی ریال مەدریدەوە كرد و تا ئێستا بەهۆی پێكان لە دەماری ئەژنۆی چەپ نەیتوانیوە بەشداری یارییە دۆستانەكانی تیپەكەی بكات.