هەفتەی رابردوو لە هۆڵی داخراوی شەهید فرانسۆ هەریری لە شاری هەولێرخولی پلە نایابەكانی كوردستان بۆ تۆپی دەست-ی كچان بەڕێوەچوو، بە بەشداریكردنی 7 یانە ئەویش هەریەكە لە یانەكانی (فەتاتی كەركووك، فەتاتی هەولێر، ئەفرۆدێت، كۆیە، هێرش، قەڵا، دووز) و ماوەی 7 رۆژی خایاند و خولەكە بەشێوازی دەرچوون بە دوو دۆراندن بەڕێوەچوو.
لە یاریی كۆتایی ئەم پاڵەوانێتیدا هەردوو یانەی فەتاتی هەولێر و فەتاتی كەركووك رووبەرووی یەكتربوونەوە، لەم یارییە هەردوو یانە ئاستێكی بەرزیان پێشكەش كرد و فەتاتی كەركووك توانی بە ئەنجامێكی گەورە سەركەوتن بە دەستبهێنێت و بە ئەنجامی (23-16) گۆڵ لە فەتاتی هەولێر بباتەوە.