یاریزانی یانەی بەرشلۆنە و هەڵبژاردەی هۆڵەندا ئیبراهیم ئەفیلای لە یاریە دۆستانەكەی نێوان هەردوو یانەی بەرشلۆنە و مانچستەر یونایتد لە وڵاتی ئەمریكا تووشی پێكان هات و لە یاریگاكان دوور دەكەوێتەوە، یانەی بەرشلۆنە لە بەیاننامەیەكدا دووپاتیكردەوە كە ئەفیلای دووچاری داروشانی ماسولكە هاتووە و بۆ ماوەی پێنج هەفتە لە یاریگاكان دوور دەكەوێتەوە، بەمەش ئەفیلای ناتونێت بەشدار بێت لە هەردوو یارییەكەی سوپەری ئیسپانیا بەرامبەر یانەی ریال مەدرید لە رۆژانی 14 و 18ی ئابدا.
ئەفیلای لە لێدوانێكیدا رایگەیاند هەست بە دڵتەنگی دەكات، چونكە بە هیوای ئەوە بوو لە یاری كلاسیكۆی سوپەر بەشدار بێت بۆ ئەوەی یارمەتی یانەكەی بدات لە بەدەستهێنانی یەكەم نازناوەكانی وەرزی تازم لە ئیسپانیا.
شایانی باسە كاپتنی یانەی بەرشلۆنە كارلیس پیۆل پێكانی هەیە و ئەویش ناتوانێت بەشدار بێت لە یاری كلاسیكۆی سوپەردا.
