پیپ گواردیۆلای راهێنەری یانەی بەرشەلۆنەی ئیسپانی گوتی لە یاری جامی سوپەری ئیسپانی بەرامبەر ریال مەدرید بە یاریزانە لاوەكان یاری دەكات.
گواردیۆلا گوتی ئێمە درەنگ دەستمان بە ئامادەسازیی بۆ وەرزی داهاتوو كردووە، بەڵام ئەوە هیچ كێشەیەك بۆ تیپەكەم دروست ناكات و دەتوانین لە ماوەیەكی كەمدا خۆمان ئامادە بكەین.
راهێنەری بەرشەلۆنە هەروەها گوتی دووشەمەی داهاتوو هەموو یاریزانەكانی تیپەكە ئامادە دەبن، ئەو كات بیر لە رووبەڕووبوونەوەی ریال مەدرید دەكەینەوە و خۆمانی بۆ ئامادە دەكەین.
لەبارەی ئەو یاریزانانەی بۆ یاریكردن بەرامبەر ریال مەدرید پشتیان پێ دەبەستێت، راهێنەرەكە گوتی هەندێك یاریزانمان ئامادە نین و هەندێكی تر لە پشووداین، لەبەرئەوە بۆ یاری بەرامبەر ریال پشت بە یاریزانە لاو و منداڵەكان دەبەستم.