بەپێی سەرچاوە رۆژنامەوانییەكانی ئینگلتەرا یانەی بایرن میونشنی ئەڵمانی دەیەوێ بچێتە نێو پێشبڕكێی بەدەستهێنانی خزمەتەكانی نانی یاریزانی مانچستەر یونایتدەوە.
رۆژنامەكان ئاشكرایان كردووە كە بایرن میونشنیش هەمان ویستی یانەكانی تری بۆ كڕینی نانی پێشان داوە.
یانەكە ئامادەیە 20 ملیۆن یۆرۆ بداتە مان یو بۆ دەستبەرداربوون لە نانی كە پێدەچێ یانەكە بیەوێ بیفرۆشێت.
هەرچەندە تا ئێستا مانچستەر ویستی خۆی بۆ فرۆشتنی نانی ئاشكرا نەكردووە، بەڵام لە ئەگەری چوونی سنایدەر بۆ ئەو یانەیە نانی دەبێ ماڵئاوایی لە ئۆلدترافۆرد بكات.