لە شارۆچكەی دوكان بەسەرپەرشتی یەكێتی ناوەندی یارییە سیانییەكانی عێراق، پاڵەوانێتی یارییە سیانییەكانی یانەكانی كوردستان و ناوچەی باكوور ئەنجامدرا و سەركەوتن بۆ ڕیزی یانەپلە نایابەكانی عێراق لە وەرزی داهاتوودا، لەم پاڵەوانێتییەدا هەریەكە لە یانەكانی (دوكان، تەق تەق، دهۆك، زاب، حەویجە، ئاڵتون كۆپری) بە 3یاریزان بەشدارییان كرد و یارییەكانیش بریتی بوون لە یەك كیلۆمەتر مەلە كردن و (20) كیلۆمەتر پاسكیل سواری و (10) كیلۆمەتر ڕاكردن.
لە ئەنجامی كۆتاییدا هەریەكە لە یانەكانی (دوكان، تەق تەق،زاب) سەركەوتن بۆ خولی پلە نایابەكانی عێراق و لەگەڵ هەریەك لە یانەكانی (دیوانییە،مشخاب،گرنە) ململانێ دەكەن بۆ بە دەستهێنانی نازناوی خولەكە.
ئەنجامی كۆتایی بەمشێوەیە بوو.
ئەنجامی تیپ
1-یانەی دوكان 28خاڵ، 2-یانەی تەق تەق 13خاڵ، 3-یانەی زاپ 8خاڵ
ئەنجامی تاكی یاریزانان
1-بڕوا سەلام دوكان، 2-رێڤینگ مەحمود دوكان، 3-جەوهەر مستەفا دوكان.