دوێنێ لە شاری ریۆ دی جانیرۆی بەرازیل تیروپشكی پاڵاوتنەكانی مۆندیالی 2014ی بەرازیل بۆ سەرجەم كیشوەرەكان راكێشرا و هەڵبژاردەی عێراق كەوتە كۆمەڵەیەكەوە كە هەڵبژاردەكانی چین و ئوردنی تێدایە.
لە كۆمەڵەی یەكەمی تایبەت بە كیشوەری ئاسیادا هەڵبژاردەكانی سەنگافورە، عێراق، ئوردن و چین هەن و لە كۆمەڵەی دووەمدا كۆریای باشوور، ئیمارات، لوبنان و كوەیت هەن و لە كۆمەڵەی سێیەمدا ژاپۆن، كۆریاس باكوور، سووریا و ئۆزباكستان هەن و لە كۆمەڵەی چوارەمیش سعوودییە، ئوسترالیا، عومان و تایلەند هەن لە كۆمەڵەی پێنجەمیش قەتەر، ئێران، بەحرەین و ئەندەنووسیا هەن.
لە سەر ئاستی ئەوروپاش تیروپشكەكە هەردوو هەڵبژاردەی ئیسپانیا و فەرەنسی خستە یەك كۆمەڵەوە و بەوەش یەك لەو دوو هەڵبژاردەی ناتوانن بۆ مۆندیالەكە سەر بكەون.