رۆژنامەكانی ئەڵمانیا ئاشكرایان كرد یانەی بایرن میونشن تاكە یانەی ئەو وڵاتەیە لە هاوینی ئەمساڵدا زیاتر لە 10 ملیۆنی لە گواستنەوەی یاریزاناندا خەرج كردووە و تاكە یانەشە دوو گەورەترین گرێبەستی لە هاوینی ئەمساڵدا كردووە.
تا ئێستا بایرن میونشن تاكە یانەیە زیاتر لە 10 ملیۆن یۆرۆی بۆ هێنانی یاریزانان خەرج كردووە لە ئەڵمانیا و ئەو خاوەنی گرانترین گرێبەستە لە مێژووی ئەڵمانیادا كە كڕینی ماریۆ گۆمێزی هێرشبەر بوو بە 35 ملیۆن یۆرۆ، هەروەها خاوەنی گرانترین گۆڵچییە لە خولەكەدا كە ئەویش مانوێل نوێیەری گۆڵچییە كە هاوینی ئەمساڵ بە 25 ملیۆن یۆرۆ كڕی.
لە هاوینی ئەمساڵدا بایرن میونشن چەندین گرێبەستی ئەنجامداوە، لەوانەش جیرۆم بواتینگ، مانوێل نوێیەر و ررافینیای بەرازیلی.