جۆزێ مۆرینۆی راهێنەری یانەی ریال مەدریدی ئیسپانی لە پەیوەندییەكی تەلەفۆنیدا داوای لە نیمار دا سیلڤای هێرشبەری بەرازیلی كرد پەیوەندی بە ریزەكانی یانەكەیەوە بكات.
رۆژنامەی فۆلیا ساوپاولۆی بەرازیلی ئاشكرای كردووە مۆرینۆ تەلەفۆنی بۆ نیمار كردووە و لە كاتی پەیوەندییەكەدا واگەر ریبیرۆی بەڕێوەبەری كارەكانی نیماریش ئامادەبووە.
ئەو رۆژنامەیە دەڵێ مۆرینۆ بە نیماری گوتووە كە تا 2012 چاوەڕێ نەكات و ئێستا پەیوەندی بە ریال مەدریدەوە بكات.
مۆرینۆ بەڵێنی بە نیمار و كەسوكارەكەی داوە ئاسانكارییان بۆ بكات بۆ گەیشتنە ئیسپانیا.
یانەی سانتۆس داوای بڕی 45 ملیۆن یۆرۆ دەكات بۆ فرۆشتنی نیمار.