رۆژنامەی دەیلی میلی ئینگلیزی ئاشكرای كرد سبەی چوارشەمە سێرجیۆ ئەگویرۆی هێرشبەری ئەرجەنتینی بەرەو شاری مانچستەر بەڕێ دەكەوێت بۆ ئەنجامدانی گرێبەست لەگەڵ یانەی مانچستەر ستی.
رۆژنامەكە دەڵێ ئەگویرۆ سبەی لەگەڵ بەڕێوەبەری كارەكانیدا دەگاتە مانچستەر بۆ ئیمزاكردنی گرێبەستەكەی لەگەڵ یانەی مان ستی بە بڕی 40 ملیۆن پاوەند و موچەی هەفتانەی 250 هەزار پاوەند.
رۆژنامەكە روونی كردووەتەوە ئەگویرۆ شوێنی كارلۆس تێڤێزی هێرشبەری یانەكە دەگرێتەوە كە ویستی خۆی بۆ رۆیشتن لە یانە ئینگلیزییەكە ئاشكرا كردووە و یانەكەی بە رۆیشتنی خۆی رازی كردووە.
ئەگویرۆ دوای چوونە دەرەوەی هەڵبژاردەی ئەرجەنتین لە جامی كۆپا ئەمەریكا گوتی جارێكی تر ناگەڕێمەوە بۆ یانەی ئەتلەتیكۆ مەدرید.