دەستەی رێكخەرانی خەڵاتی قاچی زێڕین ناوی 10 یاریزانیان ئاشكرا كرد كە پاڵێوراون بۆ وەرگرتنی ئەم خەڵاتە لە ساڵی 2011، ئەم خەڵاتەش دەدرێتە ئەو یاریزانەی تەمەنیان لە 29 ساڵ زیاترە و لە ماوەی وەرزی رابردوو ئاستێكی بەرزی پێشكەش كردووە، هەروەها ئەم خەڵاتە بۆ یەكجار دەدرێتە یاریزانەكە و ناتوانێت بۆ جاری دووەم وەربگیرێتەوە، ئەمەش ناوی 10 یاریزانە كە یەكێكیان خەڵاتی قاچی زێڕینی 2011 وەردەگرێت:
1- دێڤید بێكهام . یانەی لۆس ئەنجلۆس گەلاكسی ئەمەریكی
2- زاڤی هێرناندیز. یانەی بەرشلۆنەی ئیسپانی
3- كارلیس پیۆل. یانەی بەرشلۆنەی ئیسپانی
4- ئیكەر كاسیاس. یانەی ریال مەدریدی ئیسپانی
5- ساموێل ئیتۆ. یانەی ئینتەر میلانی ئیتالی
6- خافێر زانیتی. یانەی ئینتەر میلانی ئیتالی
7- جیان لویجی بۆفۆن. یانەی یۆڤانتسی ئیتالی
8- دیدی درۆگبا..یانەی چێلسی ئینگلیزی
9- رائول گۆنزالیس. یانەی شالكەی ئەڵمانی
10- رایان گیگز. یانەی مانچستەر یونایتدی ئینگلیزی
جێگای ئاماژە پێكردنە ئەم خەڵاتە لە ساڵی 2003 وە كاری پێدەكرێت و تا ئێستا هەریەك لە یاریزانان رۆبەرتۆ باجیۆی ئیتالی لە ساڵی 2003 و پاڤیل نێدڤیدی چیكی لە ساڵی 2004 و ئەندرێ چیفچینكۆی ئۆكرانی لە ساڵی 2005 و رۆنالدۆی بەرازیلی لە ساڵی 2006 و ئەلیساندرۆ دیل پییرۆی ئیتاڵی لە ساڵی 2007 و رۆبەرتۆ كارلۆسی بەرازیلی لە ساڵی 2008 و رۆنالدینهۆی بەرازیلی لە ساڵی 2009 و فرانچیسكۆ تۆتی ئیتاڵی لە ساڵی 2010 ئە خەڵاتەیان بە دەست هێناوە.