بە سەرپەرشتی یەكێتی ناوەندی مشتەكۆڵەی كوردستان و بە هاوكاری لقی كەركووكی یەكێتییەكە لە هۆڵی یانەی شۆڕش بە بەشداری زیاتر لە 50 یاریزان، كە نوێنەرایەتی هەشت یانەیان دەكرد، پاڵەوانێتی مشتەكۆڵەی تازەپێگەیشتووانی یانەكانی كوردستان بەڕێوەچوو و ماوەی دوو رۆژ –ی خایاند.
زەید مەحمود سەرۆكی یەكێتی مشتە كۆڵەی كوردستان لە لێدوانێكیدا وتی: ئەم پاڵەوانێتییە وەكو پڕۆگرامی ساڵانەی خۆمان ئەنجاماندا، بۆ یانە تازەپێگەیشتووەكان، كە یاریزانەكان لە تەمەنی 15 بۆ 16 ساڵ، ئاستی یاریزانەكان باش بوو.
ئەنجامی كۆتایی بەمشێوەیە بوو.
1-یانەی شۆڕش 27 خاڵ، 2-یانەی بابەگوڕگوڕ17 خاڵ، 3-یانەی سۆلاڤی نوی 11 خاڵ، 4-یانەی ئاشتی 5 خاڵ.