مانچسته‌ر ستی پێویستی به 3 یاریزانی تر هه‌یه
مانچینی كه وه‌رزی رابردوو پێشه‌وایه‌تی مان ستی كرد بۆ بردنه‌وه‌ی نازناوی جامی یه‌كێتیی ئینگلته‌را و سه‌ركه‌وتن بۆ خولی یانه پاڵه‌وانه‌كانی ئه‌وروپا له وه‌رزی ئه‌مساڵدا گوتی تیپه‌كه‌م پێویستی به 3 یاریزانی تر هه‌یه، چونكه هه‌ندێك یاریزان ده‌رِۆن.
مان ستی تا ئێستا گرێبه‌ستی له‌گه‌ڵ گایل كلیچی به‌رگریكه‌ر و ستیڤان ساڤیچی به‌رگریكه‌ری سرِبیدا كردووه و ئه‌گه‌ری زۆر هه‌یه هه‌ریه‌ك له كارلۆس تێڤێز، ئه‌دیبایۆر و جۆی هێرشبه‌رانی یانه‌كه برِۆن.
مانچینی گوتی هه‌رچه‌نده ده‌زانم كرِینی یاریزانی گه‌وره كارێكی زه‌حمه‌ت له‌به‌رئه‌وه‌ی هه‌موو تیپه‌كان یاریزانی گه‌وره‌یان ده‌وێت، به‌ڵام من هه‌وڵ ده‌ده‌م به‌ر له یه‌كه‌م یاریمان له وه‌رزی نوێدا به‌رامبه‌ر مانچسته‌ر یونایتد له قه‌ڵغانی خێرخوازیدا، 3 یاریزانی تر بهێنمه ریزه‌كانی یانه‌كه‌وه چونكه پێویستیم پێیانه.
