ساموێل ئیتۆی هێرشبەری كامیرۆنی دووپاتی كردەوە حەز بە یاریكردن لە خولی ئینگلیزی دەكات.
ئیتۆ كە لە ماوەی رابردوودا قسەی زۆر لەسەر رۆیشتنی بۆ یانەی مانچستەر ستی ئینگلیزی لە ئارادابوو گوتی خولی ئینگلیزی یەك لە باشترین و بەهێزترین خولەكانی دنیایە، یاریكردن لەو خولە خەونی هەموو یاریزانێكە.
ئەو هێرشبەرەی ئینتەر میلانی ئیتاڵی زیاتر گوتی خولەكانی ئیسپانیا، ئیتاڵیا و ئینگلتەرا بەهێزترین خولەكانی دنیان و باوەڕناكەم یاریزانێك هەبێ ئارەزووی بەشداریكردن لەو خولانەدا نەبێ.
هەروەها گوتی من لە ئیسپانیا و ئیتاڵیا یاریم كردووە، ئەزموونێكی خۆش دەبێت ئەگەر خۆم لە ئینگلتەرا تاقی بكەمەوە، ئەمە لە مێژە ئارەزووی منە.