یانەی بەرشەلۆنەی هەڵگری نازناوی خولی ئیسپانیا و خولی یانە پاڵەوانەكانی ئەوروپا دەستی بە مەشقەكانی كردەوە لە پێناو ئامادەسازی بۆ وەرزی نوێدا.
مەشقەكانی تیپەكە كە 18 یاریزان بەشدارییان تێدا كرد، ئامادەنەبوونی بۆیان كریكیچی هێرشبەری یانەكەی بەخۆیەوە بینی كە نزیكە لە چوون بۆ یانەی رۆمای ئیتاڵی.
ئەمە جاری یەكەمە لەوەتەی گواردیۆلا راهێنەری یانەكەیە دەستپێكردنەوەی مەشقەكان بۆ وەرزی داهاتوو هیچ یاریزانێكی نوێ بەخۆیەوە نابینێت، هەرچەندە یانەكە تا ئێستا ئومێدی بە كڕینی سیسك فابریگاس و سانچێز هەیە و لە كڕینیان بێ ئومێد نەبووە.
مەشقەكانی یانەكە ئامادەنەبوونی هەریەك لە میسی، ماسكیرانۆ، گابرێل میلیتۆ، دانی ئەلڤێس و ئەدریانۆی بەهۆی بەشداریكردنیان لەگەڵ هەڵبژاردەی وڵاتەكانیان لە كۆپا ئەمەریكا بەخۆوە بینی.