رافایل نادالی یاریزانی تێنسی سه‌رزه‌وی ئیسپانیا، خه‌ڵاتی باشترین یاریزانی تێنسی له‌ جیهاندا له‌لایه‌ن رێكخراوی (ئی ئێس پی ئێن)ی ئه‌مه‌ریكییه‌وه‌ پێبه‌خشرا.

نادال پاڵێوراو بوو بۆ وه‌رگرتنی خه‌ڵاتی باشترین وه‌رزشوانی ساڵ، به‌ڵام ئه‌و خه‌ڵاته‌ درایه‌ دیرك نۆڤیتسكی ئه‌ڵمانی كه‌ یاریزانی یانه‌ی دالاس مافریكسی باسكه‌ی ئه‌مه‌ریكییه‌ و ئه‌و یاریزانه‌ رۆڵی هه‌بوو له‌ بردنه‌وه‌ی نازناوی خولی باسكه‌ی ئه‌مه‌ریكی له‌لایه‌ن یانه‌كه‌یه‌وه‌.

نادال گوتی "خۆشحاڵم به‌و خه‌ڵاته‌ و سوپاسی هه‌موو ئه‌و كه‌سانه‌ ده‌كه‌م كه‌ رۆڵیان هه‌بوو به‌ پێدانی ئه‌و خه‌ڵاته‌ به‌ من، ئه‌م خه‌ڵاته‌ هانم ده‌دات بۆ ئه‌وه‌ی زیاتر خۆم ماندوو بكه‌م و بگه‌رِێمه‌وه‌ لوتكه‌ی یاریزانانی تێنسی سه‌ر زه‌وی جیهان".