كیا گۆرابیشیانی بەڕێوەبەری كارەكانی كارلۆس تێڤێزی هێرشبەری ئەرجەنتینی ختووكەی هەستی یانەی ریال مەدریدی ئیسپانی دا كاتێك گوتی تێڤێز بۆ ئیسپانیا گونجاوە.
كیا گوتی لەوانەیە چوونی تێڤێز بۆ ئیسپانیا كێشەكانی ئەو چارەسەر بكات، چونكە كێشەكە پەیوەندی بە زمان و شوێن و كولتوورەوە هەیە، لە ئیسپانیا بە هەمان زمانی تێڤێز قسە دەكەن و لەوێ دەبینی ژمارەیەكی زۆری یاریزانی ئەرجەنتین و بەرازیل لەو وڵاتە یاری دەكەن، خەڵكی ئەرجەنتین و بەرازیل زوو لەگەڵ ئیسپانیادا دەگونجێن.
هەروەها زیاتر گوتی تێڤێز لە هەموو شوێنێك خۆی دەگونجێنێ، دەتوانی ببینی ئەو رووی لە هەر وڵات و یاریگایەك كردبێت توانیویەتی بە ئاسانی خۆی بگونجێنێت و لەسەر یاریگە تووشی هیچ گرفتێك نەبێتەوە.