گوڵان / م.پ
هەڵبژاردەی بەڕازیل توانی خۆی بگەیەنێـە قۆناغی دووەمی جامی كوپا ئەمریكا كە ئێستا یارییەكانی لە وڵاتی ئەرجەنتین بەڕێوە دەچێت، لە خولی سێیەم هەڵبژاردەی بەڕازیل بەرەبەیانی ئەمڕۆ بەرامبەر ئیكوادۆر یاری كرد و بە ئەنجامی 4 بە 2 یارییەكەی بردەوە .
هەڵبژاردەی بەڕازیل لە هەردوو یاری ڕابردوو نەیتوانی بوو سەركەوتن بەدەست بێنێت بەم هۆیە لەم یارییەدا بەشێ،ەیەكی زۆر بەهێز یاری كرد و ئەستێرەی ئەیسی میلان "پاتۆ" لەگەڵ ئەستێرەی یانەی سانتۆس "نیمار" توانیان ئاستێكی زۆر بەرز پیشان بدەن .
لە خولەكی 28 پاتۆ توانی گۆڵێك بەسەر تۆمار بكات، بەڵام لە خولەكی 37 فلیپ كاسیدۆ گۆڵی یەكسان بوونی بۆ ئیكوادۆر تۆمار كرد گێمی یەكەم بەم ئەنجامە كۆتایی هات .
لە گێمی دووەمدا لە خولەكی 49 نیمار گۆڵی دووەمی بۆ بەڕازیل تۆمار كرد بەڵام دیسان یاریزان كاسیدۆ گۆڵی یەكسان بوونی بۆ ئیكوادۆر تۆمار كرد لە خولەكی 58، هەر لە هەمان خولەك پاتۆ گۆڵی سێیەمی بۆ هەڵبژاردەی بەڕاویل تۆمار كرد، لە خولەكی 72 نیمار كۆتایی بە گۆڵەكان هێناو گۆڵی دووەمی خۆی و چوارەمی هەڵبژاردەكەی تۆمار كرد .