گوڵان / م.پ
ئەمڕۆ سەرلەبەیانی هەردوو هەڵبژاردەی ئەرجەنتین و كۆستاریكا بەیەك گەیشتن لە جامی پاڵەوانانی كوپا ئەمریكا هەڵبژاردەی ئەرجەنتین بە ئەنجامی 3 بە 0 یارییەكەی بردەوە و سەركەوت بۆ قۆناغی دووەم.
ڕاهێنەری هەڵبژاردەی ئەرجەنتین " سێرگیۆ باتیستا" گۆڕانكارییەكی تەواوی لە پێكهاتەی هەڵبژاردەكەی كردبوو، لەسەرتاوە هەردوو یاریزان گاگۆ و ئەگوێڕۆی بەشداری پێكرد و مێسی وەك یاری دروستكەر دانابوو، بەم شێوەیەش مێسی باشترین یاری ئەنجام داو چەندین دروستكردنی جوانی كرد و یارییەكەی بەشێوەیەكی چاوەڕوان نەكراو گۆڕی بوو هەر بەم هۆیەش جەماوەڕی ئەرجەنتین دوای یارییەكە ڕەزامەندی خۆیان دەربڕی .
لە خولەكی 45 دا سێرگیۆ ئەگوێڕۆ یەكەم گۆڵی بۆ ئەرجەنتین تۆمار كرد و لە گێمی دووەم و لە خولەكی 53دا یاریزان مێسی بەشێوەیەكی زۆر جوان تۆپەكەی بۆ ئەگوێڕۆ هەڵدا ئەگوێڕۆ هەلەكەی لەدەست نەدا و توانی گۆڵی دووەم بۆ هەڵبژاردەكەی تۆمار بكات، مێسی لە ئاستە باشەكەی بەردەوام بوو و پاسێكی جوانی دا بە یاریزانی یانەی ڕیال مەدرید " دی ماریا " و یاریزانی ناوبراو هەلەكەی لەدەست نەدا و گۆڵی سێیەمی بۆ هەڵبژاردەكەی تۆمار كرد .

بەم ئەنجامەش ئەرجەنتین خاڵەكانی بەرز كردەوە بۆ 5 خاڵ و بە دووەمی گروپەكەی سەركەوت، لە كاتێكدا كۆستاریكا 3 خاڵی هەیە و چاوەڕێی ئەنجامی كۆمەڵەكانی تر دەكات تاوەكو بە سێهەمی گروپەكەی سەركەوێت .