ئــەنــدرێ ڤــــیلاس بـواس لە یانەی چێلسی
ناسنامە:
ناو: لویس ئەندرێ دی بینیا كابرال ڤیلاس بواس
مێژوو و شوێنی لە دایك بوون: 17 ی ئۆكتۆبەری 1977 لە شاری پۆرتۆی پورتوگالی
خاڵە هاوبەشەكانی نێوان بواس و مۆرینهۆ:
* بواس وەكو مۆرینهۆ بە هیچ شێوەیەك یاریزانی تۆپی پێ نەبووە
* كاروانی وەرزشی وەك مۆرینهۆ لە ژێر سەرپەرشتی راهێنەری ئینگلیزی كۆچكردوو بۆبی رۆبسۆن دەست پێكردووە
* بواس وەكو مۆرینهۆ لە وەرزی یەكەمی لەگەڵ یانەی پۆرتۆ سێ نازناوی بەدەست هێنا
* بواس یارمەتی مۆرینهۆی داوە لە دۆزینەوەی یاریزانان لە یانەكانی پۆرتۆ و چێلسی و ئینتەر میلان
خاڵی جیاوازی بواس لەگەڵ مۆرینهۆ لە مامەڵەكردنی لە گەڵ دەزگاكانی راگەیاندن دایە، بواس زۆر بە دەگمەن چاوپێكەوتن و لێدوان بۆ دەزگاكانی راگەیاندن ئەنجام دەدات، بە پێچەوانەی مۆرینهۆ كە ئەستێرەی دەزگاكانی راگەیاندنە، لەمباریەوە بواس دەڵێت: بە بۆچوونی من راهێنەر ئەستێرەی تیپەكان نییە بەڵكو راهێنەر ئەو كەسەیە كە دەتوانێت باشترین توانای یاریزانەكانی دەربهێنێت.
ژمارە پێوانەكانی راهێنەر بواس:
* بچووكترین راهێنەر بوو لە مێژوودا كە نازناوێكی ئەوروپی بەدەست هێنا بێت دوای سەركەوتنی یانەی پۆرتۆ بە سەر یانەی سپۆرتینگ لشبۆنە لە یاری كۆتایی یۆرۆ لیگ لە وەرزی 2010 – 2011 كە تەمەنی 33 ساڵ و 213 رۆژ بوو .
* ژمارەی پێوانەیی لەگەڵ یانەی پۆرتۆ شكاند لە ژمارەی یارییەكان بە بێ دۆڕاندن كە ژمارەكە گەیشتە 36 یاری و ژمارەی مۆرینهۆی شكاند كە 33 یاری بوو.
* زۆرترین ژمارەی خاڵی لە یەك وەرز لەگەڵ یانەی پۆرتۆ كۆكردەوە دوای ئەوە 84 خاڵی لە 30 یاری كۆكردەوە.
* لەگەڵ یانەی پۆرتۆ 14 سەركەتنی لە یۆرۆ لیگ تۆماركرد كە ئەوەش ژمارەیەكی پێوانەییە بۆ یانەیەكی پورتوگالی.
* لە گەڵ یانەی پۆرتۆ لە 16 یاری یەك لە دوای یەكی خولی پورتوگال سەركەوتنی تۆماركرد .
* جیاوازی 21 خاڵ لە نێوان پۆرتۆ و بەنفیكا لە ریزبەندی كـــــۆتایی یــــانەكانی خـولـی پورتوگال گــــــەورەترین جیاوازییە لە مێژوو لە نێوان یانەی یەكەم و یانەی دووەم.
* بواس لە گەڵ یانەی پۆرتۆ بووە دووەم راهێنەر لە میژوو كە وەرزێك بە بێ دۆڕاندن تەواو بكات لە دوای یانەی بەنفیكا لە وەرزی 1972 – 1973 .
