لە كوپا ئەمریكا كۆڵۆمبیا لە كۆستاریكای بردەوە
لە دووەم یاری جامی پاڵەوانییەتی كوپا ئەمریكا لە گروپی یەكەم هەردوو هەڵبژاردەی كۆڵۆمبیا و كۆستاریكا بەیەك گەیشتن بەڵام هەڵبژاردەی كۆڵۆمبیا توانی بە زەحمەت و بە گۆڵێكی بێ بەرامبەر لە كۆستاریكا بباتەوە .
دوای ئەوەی هەر لە هەمان گروپ و یاری یەكەم كە لە نێوان ئەرجەنتین و پۆلیڤیا بە یەكسان بوون كۆتایی هات، هەردوو هەڵبژاردەی كۆڵۆمبیا و كۆستاریكا هەوڵی بردنەوەیان دەدا بۆ ئەوەی پێشەنگی گروپەكە بگرن .
دوای كرانەدەرەوەی یاریزانێكی كۆستاریكا یارییەكە لەبەردەم یاریزانانی كۆڵۆمبیا خۆش بوو، یاریزان گۆستاڤۆ ڕامۆس توانی لە خولەكی 45 گۆڵێك بۆ كۆڵۆمبیا تۆمار بكات و هەر بەم گۆڵەش توانی سەركەوتن بەدەست بێنێت و بە 3 خاڵ لە پێشەنگی گروپی یەكەم بێت .
