گوڵان / م.پ
یانەی چێڵسی ئینگلیزی نزیك بووەتەوە لە بەدەستهێنانی تواناكانی یاریزانی بەتەمەن بچووكی یانەی بەرشەلۆنەی ئیسپانی "گایل ئیتۆك" .
گایل ئیتۆكی تەمەن 17 ساڵ لە قوتابخانەی ساموێل ئیتۆ بەر لە ساڵێك هات بۆ قوتابخانەی بەرشەلۆنەی ئیسپانی بەرپرسانی یانەی كەتەلۆنی باوەڕیان وایە ئەم یاریزانە لە داهاتوو دەبێتە یەكێك لە ئەستێرەكانی تۆپی پێ، بەڵام یانەی چێڵسی هەوڵی گواستنەوەی یاریزانی ناوبراو دەدات .
ڕاهێنەری نوێی چێڵسی "فیلاس بواس" توانی بەرپرسی كارەكانی گایل ئیتۆك ڕازی بكات بۆ ئەوەی بۆندێك بۆ 4 ساڵ مۆر بكات لەگەڵ یانەی چێڵسی بەڵام دەبێت چاوەڕێ بكات تاكو 5ی یۆلیۆی داهاتوو بۆ ئەوەی تەمەنی گایل بگاتە 18 ساڵ .
ڕاهێنەری چێڵسی "فیلاس بواس" ناتوانێت ڕاستەوخۆ سوود لە تواناكانی یاریزان گایل ئیتۆك ببینێت بەڵام بۆ ماوەی ساڵێك هەوڵ دەدات بە شێوەی خواستن بیدات بە یانەی لیشبۆنەی پورتوگالی .