گوڵان :كارزان كانەبی
لەمیانی یارییەكی دۆستانەی ئامادەكاریدا هەڵبژاردەی عێراق لەسەر خاكی خۆی تووشی دۆڕان هات .
لەسەر یاریگەی شەهید فرەنسۆ هەریری بە ئامادەبوونی زیاتر لە 20هەزار هاندەری وەرزش دۆست لە یارییەكی دۆستانەی ئامادەكاریدا هەردوو هەڵبژاردەی عێراق وسوریا بەیەك گەیشتن لە گێمی یەكەمی یارییەكە یاریزانانی عێراق ئاستێكی باشیان پێشكەش كردو لە خولەكی 15ی یارییەكە یاریزان عەبدول رەزاق حسێن هەڵبژاردەی سوریای پێشخست،دوای ئەو گۆلەش یاریزانانی هەڵبژاردەی عێراق هەوڵی زۆریان دا بۆڕاست كردنەوەی ئەنجامی یارییەكە بەڵام گشت هەولەكانیان بێ سوود بوو ئەو گێمە بەو ئەنجامە بۆسوریا كۆتایی هات .لە گێمی دووەمی یارییەكە راهێنەری عێراق چەند گۆرانكاریەكی ئەنجامدا بەمەبەستی گۆرینی ئەنجامی یارییەكە لەم ناوەشدا لە خولەكی 75ی یارییەكە نەدیم سەباح سوریای كردە خاوەنی گۆڵی دووەم دوای ئەو گۆلەش بەهۆی ژمارەیەك هێر شی عێراقی عەلا عەبدول زەهرە گۆلێكی بۆهەڵبژاردەی عێراق لە خولەكی 87تۆماركرد و یارییەكەش بەم ئەنجامە (2-1)گۆڵ بۆهەڵبژاردەی سوریا بە كۆتایی هات .