گوڵان / م.پ
یانەی بەرشەلۆنەی ئیسپانی ڕایگەیاند كە بۆندی یاریزانی لاوی یانەكەیان "تیاگۆ ئەلكانترا" درێژ كردەوە تاوەكو ساڵی 2015 نرخی هەڵوەشاندنەوەی بۆندەكەشی 90 ملیۆن یۆرۆ دەبێت .
تیاگۆ توانی دوێنێ لە بارەگای یانەی بەرشەلۆنە بۆندەكەی نوێ بكاتەوە تا ساڵی 2015 ئەم نوێكردنەوەیەش دوای ئەوە دێت ئاستێكی بەرزی پیشان دا لە هەڵبژاردەی لاوانی ئیسپانسای ژێر تەمەن 21 ساڵ .
جێگای ئاماژە پێدانە نوێكردنەوەی بۆندی تیاگۆ بووە هۆی ئەوەی ڕێگری هەریەك لە یانەكانی مانچیستەر یونایتد و ڕۆما و ڕیال مەدرید كرد بۆ ئەوەی بۆند لەگەڵ یاریزانی ناوبراو مۆر بكەن .