دوای ئەوەی قۆناغی یەكەم و دووەمی پاڵەوانێتی عێراق بۆ پایسكلسواری لە هەردوو شاری دهۆك و نەجەف بەڕێوە چوو، لەم پاڵەوانێتیە لەسەر ئاستی كوڕان و كچان بۆ پێشكەوتووان و لاوان و تازەپێگەیشتووان بەڕێوەچوو، كە تیاییدا لەم دوو قۆناغەدا چوار یانە لە ئاستەكان سەركەوتن بۆ قۆناغی چوار گۆشەی زێڕین، لەمباریەوە مەحمود عەزیز سەرۆكی یەكێتی پایسكلسواری لقی هەولێر گوتی: یەكێتی پایسكلسواری عێراق بە فەرمی بڕیاریدا پاڵەوانێتی چوار گۆشەی زێڕینی عێراق بۆ پایسكلسواری لە 22ی مانگی داهاتوو لە شاری هەولێر بەڕێوە بچێت و ماوەی پێنج رۆژ دەخاینێت.
لە درێژەی قسەكانیدا مەحمود عەزیز گوتی: لەم پاڵەوانێتییە لەسەر ئاستی پێشكەوتووان هەریەكە لە یانەكانی (هەولێر، سەناعە، دەغارە، كارەبا) بەشداری دەكەن و لەسەر ئاستی لاوان هەریەكە لە یانەكانی (هەولێر، سۆلاڤ، برایەتی، سەناعە) بەشداری دەكەن و لەسەر ئاستی تازەپێگەیشتووان هەریەكە لە یانەكانی (هەولێر، برایەتی، سۆلاڤ، نەورۆز) بەشداری دەكەن و لەسەر ئاستی كچان هەریەكە لە یانەكانی (برایەتی، نەورۆز، فەتات بەغداد، عفك) بەشداری دەكەن.
جێگەی باسە یانەی هەولێر لەسەر ئاستی كوڕان بۆ پێشكەوتووان پلەی یەكەمی پاڵەوانێتییەكەی بە دەستهێنا.