خولی بژاردەی عێراقی ئیمپراتۆر هەر بە سەركەوتویی مایەوە
لەمیانی یارییەكانی خولی بژاردەی یانەكانی عێراقی یانەی هەولێر لە نەفتی بردەوە لە پێشەنگی یانەكان مایەوە .
لە درێژەی یارییەكانی خولی بژاردەی عێراقی دوێنی ئێوارە لە سەر یاریگای نێودەوڵەتی شەهید فرەنسۆ هەریری هەردوو یانەی هەولێرو یانەی نەفت بەیەك گەیشتن،لە گێمی یەكەمی یارییەكە یاریزانانی یانەی هەولێر توانیان ئاستێكی بەرزتوانیان دوو گۆڵ تۆماربكەن لە رێگای یاریزانان ئەحمەد ئیبراهیم بە لێدانی سەرو مەهدی كەریم بە لێدانی سزا تۆماری كرد.لە گێمی دووەمی یارییەكەش یاریزانانی یانەی هەولێر هێرشی زیاتریان بردە سەرگۆڵی یانەی میواندارو و لەم گێمەش یاریزان هەڵگوردمەلا مەحمەد بە لێدانێكی بەهێز توانی گۆڵی سێ یەم تۆماربكات و كۆتایی بە گۆڵەكان بهێنێت .یانەی هەولێر كۆی خاڵەكانی بۆ51خاڵ بەرز كردوە پێویستی تەنیا بە چوار خاڵە لە چوار یاری داهاتوو بۆگەیشتن بە یاری كۆتایی خولی بژاردەی عێراقی.
