رێبین رەمزی
لە چوارچێوەی یارییەكانی هەفتەی 24ی خولی بژاردەی عێراق كۆمەڵەی یەكەم رۆژی دووشەممە لە یاریگەی شەهید فرانسۆ هەریری لە شاری هەولێر یانەی هەولێر میوانداری یانەی نەفت دەكات، ئەم یارییە كاتژمێر 6ی ئێوارە بەرێوەدەچێت.ئەم یارییە هەریەكە لە كازم عودە ناوبژیوانی ناوەڕاست و رەزاق ئیبراهیم یاریدەدەری یەكەم و واسق مدلل یاریدەدەری دووەم و بەكر مەحمود ناوبژیوانی چوارەم یارییەكە بەرێوە دەبن و ئیبراهیم قاسم ناوبژیوانی چوارەمە.لەم یارییە یاریزان شوان مامۆ بەهۆی وەرگرتنی دوو كارتی زەرد ناتوانێت بەشداری بكات.جێگەی باسە یانەی هەولێر بە كۆكردنەوەی 48 خاڵ لە پێشەنگی كۆمەڵەی یەكەم دێت و 5 یاری ماوە و بە جیاوازی دوو خاڵ لەگەڵ یانەی سەناعە خاوەن پلەی دووەم و یانەی نەفت بە كۆكردنەوەی 36 خاڵ لە پلەی شەشەمی خولەكە دێت.