به‌رشەلۆنه زۆرترین یارى ئه‌نجامدا له وه‌رزى رِابردوو
یانه‌ى به‌رشەلۆنه‌ى ئیسپانى لەپێش هەریەك لە یانەی ماشستەر یونایتد و ڤیاریاله بۆ زۆرترین یاری كە ئەنجامی داوە.
یانەی بەرشەلۆنەی ئیسپانی كە توانی نازناوی خولی ئیسپانی و خولی یانە پاڵەوانەكانی ئەوروپا بەدەست بێنێت، لەوەرزی رابردو زۆرترین یاری ئەنجامداوە كە كۆی یارییەكان دەگاتە 62 یاری.
ئه‌و یانه‌یه هه‌موو یارییه‌كانى به باشى ئه‌نجامدا : 2 یارى له جامى سوپه‌ر ، 38 یارى له خولى ئیسپانی، 9 یارى له خولى شاى ئیسپانیا و، 13 یاریش له خولى یانه پاڵه‌وانه‌كانى ئه‌وروپا ، كەدەكاتە زۆریرین یارى به به‌راورد له‌گه‌ڵ هه‌موو ئه‌و یانانه‌ى كه له خوله جیاوازه‌كانى ئه‌وروپا به‌شداریان كردبوو
له هه‌مان كاتدا یانه‌ى مانچسته‌ر یونایتد ى ئینگلیزى و یانه‌ى ڤیاریال-ى ئیسپانى له پله‌ى دووه‌م هاتن به ئه‌نجامدانى 60 یارى و، یانه‌ى رِیال مه‌دریدى ئیسپانى توانى پله‌ى سێیه‌م به ده‌ست بێنى، به ئه‌نجامدانى 59 یارى. چوار یانەش توانیان 58 یارى ئه‌نجام بده‌ن ( پۆرتۆ ى ئیتاڵى، ئه‌رسناڵ-ى ئینگلیزى، سیڤیلیا-ى ئیسپانى و، بێشكتاشى توركى) .
جێی باسە یانەی بەرشەلۆنە لەماوەی زیاتر لە 10 ساڵی رابردوو توانی ببێتە یانەی یەكەم لە جیهان و ئەوروپا، ئەمەش بەهۆی ئەو دەستكەوتانەی لە خولەجیاجیاكانی نێوخۆیی و ئەوروپایی و جیهانی بەدەستی هێنا.
