دەستەی رێكخەری ئۆڵۆمپیادی لەندەن 2012 ئاشكرایان كرد، كە زیاتر لە یەك ملیۆن هاندەر داوای كڕینی بلیتی راكردنی 100مەتریان كردووە لە ئۆڵۆمپیادی لەندەن 2012 ئەمەش ژمارەیەكی پێوانەییە، چونكە لەم پێشبڕكێیە ركابەرێكی زۆر بەهێز دەبێت لە نێوان یاریزانە بەشداربووەكان.
جێگەی باسە یاریگەی ئۆڵۆمپی، كە تایبەت بۆ ئۆڵۆمپیادی لەندەن 2012 دروستكراوە جێگەی 80 هەزار هاندەر دەبێتەوە و نیوەی ئەم جێگەیە بۆ هاندەر داندراوە و نیوەكەی تر بۆ كۆمپانیاكان و رۆژنامەنووسان و كەسانی تر دابین كراوە.