هەفتەی رابردوو كوردێكی وڵاتی دانیمارك پێوەندی بە مەشقەكانی یانەی هەولێرەوە كرد بۆ ئەوەی راهێنەر ئەیوب ئۆدیشۆ لە نزیكەوە ئاگاداری ئاستی ئەم یاریزانە بێت.
مستەفا حەسەن لە دایكبووی ساڵی 1990ی شاری هەولێرە لە هێڵی هێرشبەر یاری دەكات و لە تیپەكانی لاوان و تازەپێگەیشتووانی یانەی برۆندبی دانیمارك یاری كردووە و ئێستا لە تیپی یەكەمی ئەم یانەیە یاری دەكات، یانەی برۆندبی یەكێكە لە یانە هەربەهێزەكانی دانیمارك و خاوەن چەندین دەستكەوتی گەورەیە، ئەم یاریزانە چەندین جار بانگهێشتی هەڵبژاردەی لاوان و تازەپێگەیشتووانی دانیمارك كراوە، بەڵام بەهۆی نەبوونی رەگەزنامەی دانیمارك نەیتوانی بۆ ئەم دوو هەڵبژاردەیە یاری بكات بۆیە یەكێتی تۆپی پێی دانیمارك بۆ ئەوەی سوود لە ئەزموونی ئەم یاریزانە وەربگرێت رەگەزنامەی دانیمارك-ی بۆ ئەم یاریزانە وەرگرت دووبارە بانگهێشتی هەڵبژاردەی لاوان-ی داینمارك كرا، بەڵام مستەفا حەسەن گەڕایەوە شاری هەولێر و گۆڵكاری خولی لاوان بوو كاتێك توانی لە 23 یاری 32 گۆڵ تۆمار بكات.
دوای ئەوەی لە چەند مەشقێكی یانەی هەولێر بەشداری كرد و راهێنەر ئەیوب ئۆدیشۆ بە وردی چاودێری ئەم یاریزانەی كرد دواتر مستەفا حەسەن پێوەندی بە ریزی هەڵبژاردەی ئۆڵۆمپی عێراق كرد و چەندین مەشقی لەگەڵ ئەنجام دا.
ئەم یاریزانە ئەگەر بایەخی پێبدرێت دواڕۆژێكی گەش چاوەڕوانی دەكات.