لە شاری رۆما یارییەكانی پاڵەوانیەتی رۆما ماستەرز لە یاری تێنسی سەر زەوی كۆتایی هات، هەریەك لە یاریزانان نۆڤاك جۆكۆڤیج لە سەر ئاستی پیاوان و ماریا شاراپۆڤا لە سەر ئاستی كچان نازناوەكەیان بەدەست هێنا، لە یاری كۆتایی پیاواندا یاریزانی سڕبیا نۆڤاك جۆكۆڤیج پۆلینكاری دووەمی جیهان رووبەرووی یاریزانی ئیسپانیا رافییل نادال پۆلینكاری یەكەمی جیهان بۆوە، لە دوای یارییەكی ئاست بەرزدا جۆكۆڤیج جامەكەی بەدەستهێنا دوای سەركەوتنی بەسەر یاریزان نادال بەدوو كۆمەڵەی بێ بەرامبەر، ئەنجامی كۆمەڵەكان (6-4، 6-4) بوو، بەم سەركەوتنە یاریزان جۆكۆڤیج سەركەوتنی ژمارە 38 لەسەریەك تۆمار كرد و نازناوی ژمارە 7ی لە ساڵی 2011 بەدەست هێنا، تەنها 4 سەركەوتنی دیكە جۆكۆڤیج دەسكەوتێكی مێژوویی تۆمار دەكات لە سەركەوتنە یەك لەوی یەكەكان لەسەرەتای ساڵەوە كە ژمارەی پێشوو بەناوی یاریزانی ئەمریكی جۆن ماكنرۆیە كە 41 سەركەوتنی لە سەر یەكە بە بێ دۆڕاندن، لە هەمان كاتتدا جۆكۆڤیج نزیك دەبێتەوە لە وەرگرتنی پلەی یەكەم پۆلینكاری جیهانی لە یاریزان نادال بە تایبەتی لە پاڵەوانیەتی رۆلان گارۆس كەوا بڕیارە ئەمڕۆ 22ی ئایار لە شاری پاریس یارییەكانی دەست پێبكات.
لە یاری كۆتایی كچاندا، كچە یاریزانی شۆخ وشەنگی ڕووسیایی ماریا شارپۆڤا نازناوەكەی بە دەست هێنا دوای سەركەوتنی بەسەر كچە یاریزانی ئوستورالیایی سامانسا ستۆسەر بە دوو كۆمەڵەی بێ بەرامبەر، ئەنجامی كۆمەڵەكان (6-2، 6-4) بوو.