یانەی ڤینیلۆی هۆڵەندی رایگەیاند بۆندێكی بۆ ماوەی 10 ساڵ لە گەڵ ڤان دێر می كە تەمەنی تەنیا 18 مانگە مۆر كردووە، ئەم بۆندە دوای سەرسامی لێپرسراوانی یانەی ناوبراو هات بە تواناكانی ئەم منداڵە دوای ئەوەی باوكی دیمەنێكی ڤیدیۆیی بۆ كوڕەكەی لە یوتیوب بڵاوكردووە كە تواناكانی نیشان دەدات، بەم بۆندە ڤان دێر می بووە بچووكترین یاریزانی پیشەگەر لە جیهان كە تەمەنی ساڵ و نیوێكە.
ڤان دێ می ناوبانگیەكی جیهانی وەرگرت دوای بڵاوكردنەوەی ڤیدیۆكەی لە یوتیوب كە تیایدا زۆر بە لێهاتوویی تۆپ دەخاتە سندوقی یاریەكانی و لە ماوەی چەند رۆژێك سێ ملیۆن جار بینراوە ئەوەش سەرنجی یانەی ڤینیلۆ راكێشاوە و بۆندی لەگەڵ مۆر كردووە، یانەی ڤینیلۆ لە ماڵپەڕی تایبەتی خۆی لە بەیاننامەیەكدا دووپاتی كردەوە ڤینیلۆ مێژوو دروست دەكات بە مۆركردنی ئەم بۆندە، لە بەیاننامەكەدا هاتووە: شوێنی یاریكردنی یاریزانە بچووكەكە دیاری نەكراوە بەڵام بە هۆی لێدانەكانی دەتوانێت لە باڵی راست یاری بكات، ئەم یاریزانە بچووكە نەوەی یاریزان ڤان دێر فیلە كە پێشتر یاریزانی یانەی ڤینیلۆ بووە.